Material de Lectura


De Ansina
(Tres poemas inéditos en ladino)

 



De efsuenyos


kizo
fazer de mi
una
leona
ama yo
me echí
a sus sapatos
i pasí
la vida
alevantando el lomo
kayentando sus piezes
i sonyando
kon una korona
para meterme en la kaveza

Glosario: ama: pero / piezes: pies.

 







De trokamientos

 

Le demandó Ribi Yehuda:
"Ya vemos muncha djente del resto de las
nasiones del mundo ke siendo koshos o
siegos o yenos de yagas i adolensiados, i
kuando van al lugar ke tienen apropiado
para dizir su orasion se melezinan, ke esto
amostra ke ay ken tenga su kargo de
kumplir su demanda"
Le respondió diziendo:
"Akeyo no es por amistad, sola-mente es
enganyarlos para ke piedran su mundo"

DEL LIBRO MEAM LOEZ


trokar al kojo manko
trokar al manko surdo
trokar al surdo siego
trokar al siego tuerto
trokar al tuerto en ojo
trokar al ojo en rizas
trokar la riza en lavios
trokar la boka en linguas
trokar la lingua en bezos
trokar el bezo
en tus de tis

kavezaviertados
korazonatripados
todos tornamos
a trokar al kojo en manko
al manko en surdo
al surdo en tudro
i despues a durmir
i despues a morir
i despues tomar ayre
ke la kreyensa no falta...
ke de la agua
trokada en viento
trokada en polvo
trokada en luvia
kontigo trokada
komo gato mojado
tenme te pido agora
en todos tus preziados
tus de tis
(a Eliezer Pappo)

Glosario: melezinar: curarse / trokar: volver, transformar / tudro: que aprende con difi cultad, un poco tonto / tomar ayre: irse, retirarse.






De Lo ke fue


akeyos polvos
trujeron estos lodos
i estas nuves
trujeron
estas luvias
i estas luvias
trujeron estos friyos
i estos friyos
trujeron estos yelos
i estos yelos trujeron
hazinura
i akeyos polvos
son lo ke fueron
ke son estos biervos
ke mas no seran

Glosario: biervos: palabras / hazinura: enfermedad